Kohima Longjang Senso Telongjem-i Moatsü amung

Dimapur, May 3 (TYO) : May 3, 2016 nü Kohima Longjang Senso Telongjen-i “Sobaliba Liromedem” omen nung ajemdaker Kisama nung Moatsü benjung amung.
Iba sentong nung Kohima Longjangtsur Telongjem-i sobaliba ken aten, Tekongriju Cultural club-i Moatsü yartsüngsang, aser Kohima Longjang Lanu Tata Zunga-i soabliba saisapong asaya.
Iba sentong nung tongti o jembirji Tiatoshi Lkr. Liasü, Dr. Sashi Aier-i temoatsü meshia sarasadem, T. Yapang Pongen-i Moatsü teratet metetdaktsü aser M. Panger Aier-i tenüngsang agüja sarasadem.