Kohima nung 11buba N.I Jamir Excellence award agütsütsü

Kohima, July 11 (TYO): Kohima Ongpangkong Union-i ayongzüka 11buba N.I Jamir Academic Excellence Award sentong July 15, 2017 anüngdang 11:00 ako nungi Molu ki Merhulietsa, Kohima nung akatsü aser HSLCE 2017 tatidang nung top 20 nung takok angur kaketshirtem nem tetushi agütsütsü, ta ketdangsertem osang ka nung metetdaktsü.
Iba sentong nung tongti o jembirji Commissioner of Taxes, Nagaland, Asangba Chuba, IAS asütsü.
Taküm iba awards angutsüpurtemji: Moamanen Jamir Changtongya-10th Rank; Limatula Imchen Mangmetong- 12th Rank; T. Sentolila Lemtor Moayimti- 13th Rank; Nokinsangla T. Imchen Kubza- 14th Rank; Temjeninla Jamir Mongsenyimti- 16th Rank; Zuiner Jamir Sungratsu- 18th Rank; Longsener Longkumer Longjang- 19th Rank aser Okten Jamir Ungma- 20th Rank nunger lir.