Kohima nung 2 buba Climate Change Awareness Programme for Students agiogo

Dimapur, Metsüremi/March 10 (TYO): 2 buba Climate Change Awareness Programme for Students (C- CAPS) sentong ya Northfield, Kohima nung March 07, 2020 nü agi. Iba sentong ya National Bank for Agriculture and Rural Development (NABARD) teyari nung Nagaland Science & Technology Council (NASTEC), Department of Science & Technology, Government of Nagaland aser Department of Environment, Forests & Climate Change, Government of Nagaland kübok Nagaland State Climate Cell (NSCCC) ajanga ayongzüka liasü.
Iba sentong nung basic climate science nung ajemdaker power point presentation agütsü, aser yangji shilem agirtem dang tasüngdangba balala agia liasü.
Alima tzü-mopung melenba angatettsü asoshi sentong balala agi aser inyaksangshi balala nung ajemdaker group presentation agüja liasü. Sentong nung shilem agirtem tekolok shisatsü tali tashi taitba kümdaktsütsü mechi kasa onük nung documentary tatsüka sayua liasü.
Iba sentong nung tesemdanger tongti, Supongnukshi, IFS, Chief Conservator of Forests (CCF), Department of Environment Forests and Climate Change, Government of Nagaland aser State Nodal Officer for Climate Change ajanga State Action plan on Climate Change (SAPCC) inyakyim rateta ashi aser shilem agirtem den sensaksema liasü.
Iba sentong nung pai ashiba agi, tzü-mopung melenba ya asangsang kümogo aser Nagaland nung tzü-mopung melenba agi timtem agütsüba nungi kümzüka alitsü rongdak nüngdak ka kümogo. Tzü-mopung melenba den nüburtem liromedema litettsü asoshu awareness tenzüktsü nüngdaker aser iba ajanga dang tetsükdaktsütem ajangtettsü, ta pai ashi.
Iba sentong nung shilem agir ajak NSCCC indang Climate Ambassador’s programme nung induct asü aser parnok nem official badges aser tongtibang onük pezü, Remain Optimistic; Learn more on Climate Action; Share knowledge experience & ideas and collaborate- organize into communities nung ajemdanger tenangzükba agia liasü.
Iba awareness sentong nung Kohima nung aliba school tenet nungi kaketshirtem dena liasü.