Kohima nung 23buba Fresher’s Meet agi

Kohima, Luroi/August 20 (TYO): Angami Students’ Union, St.Joseph’s College Jakhama (ASU SJC)-i ayongzüka Küptoknü/Honibar Kohima nung 23buba Fresher’s Meet agiogo aser o jembitsü atema jaokerji, President NVCO & Asst.Professor, Kohima Law College Advocate, Kezhokhoto Savi liasü.
Iba sentong nung jembidang Savi-i kaketshir ka taküm nung teinyaktsü mapatem metetdaktsüba den külemi kaketshirtem dang Tsüngrem dak tamang akatsü ayongzük.
Laishiba nung Yisu-i o entepba otsü ka ashiba nung ajemdaker Savi-i kaketshirtem dang pei dak aketba sempet jangjatsü aser item sempet amshitsü ayongzük.
Mr & Miss ASU SJC 2018 tetoktepba sentong nung Mr Fresher 2018 title, Kevingunyü Mere-i angu aser Kelhoulenuo Jenny Sekhose-i Miss Fresher 2018 title angu. Tenaprong ya iba College kübok BBA Department nungi first year students lir.
Iba sentong nung ASU SJC kaketshir tasenpur aser tejenpur ajak senteper 500 dak tema aden, sentong nungsa Angami Students’ Union tongti tentet, All Nagaland College Students’ Union, Angami Students’ Union, Science College Jotsoma, Angami Students’ Union, Kohima College Kohima, SJC Students’ Council nungi züngsemtem aser SJC nung lecturers aden.
Sentong nung Pastor Vizolie Zhale-i Tsüngrem temoatsü meshia sarasadem, ASU SJC Tir, Zhavilie Zale-i lokti pelaa agizükba o jembi, senior tenüng nung Vilakienyii Liezietsu aser junior students tenüng nung Dziesengunuo Rutsa-i jembia liasü. Sentong nungsa Kevichadzelie Suohu-i general secretary osang agutsü aser Keneiphrenuo Suokhrie-i tepela anküp o jembi.
Iba sentong ya Khrietsonyii Whuorie leniba nung agi.