Kohima nung 2buba Nagaland Film Festival amongtsü

Guwahati, Luroi/August 29 (Agencies): October 1 nungi November 1, 2019 tashi Kohima nung 2buba Nagaland Film Festival ayongzüka amongtsü.
Iba sentong ayongertemi 2buba Nagaland Film Festival atema Northeast nungi ‘Competition’ aser ‘Non-competition’ naprong asoshi film entries meshir.
2buba Nagaland Film Festival dak sendakba nung film yanglur, Sesino Yhoshu-i twitter ajanga, film entries atema tatembangbuba anogoji September 20, 2019 asütsü aser competition section atema entry fees ji sen 1,000 asütsü, ta metetdaktsü.
Category balala nung takok angurtem nem senpet 50,000 agütsütsü.