Kohima nung 3 buba State Level Catapult Competition agiogo

Dimapur, Luchii/December 06 (TYO): Department of Tribal Affairs ajanga Janjatiya Gaurav Varsh aser IEC campaign nung ayongzükba 3 buba State Level Catapult Competition nung lisopur yimya-yimbong benjonga liasü. Ibai tang temungdang Hornbill Festival nung shilem ka ama NSF Solidarity Park, Kohima nung December 6, 2024 nü ayongzüka liasü.

Ministry of Tribal Affairs ajanga sponsor asüba iba tetoktepba nung Sumi, Angami, Chakhesang, Chang, Tikhir, Garo, Zeliang, Yimkhiung, Konyak, Sangtam, Pochury, Phom, Kuki, Lotha, aser Rengma kin nungi nisung 30-i toktepa liasü.

Iba tetoktepba nung Shangtok Phom-i mezüng jenjang tongtet, Meso aser Yhunsinlo Lorin nati tanabuba aser tasembuba jenjang nguteta takok angur nem Secretary, Tribal Affairs Department, Angelina Tajen-i sempet amokja liasü.