Kohima nung 4 buba Inter-Ward tetoktepba ayonger

Dimapur, January 29 (TYO): NPF 6th Kohima Town A/C-i ‘Unity & Friendship through Sports & Music’ omen nung ajemdaker 4 buba Inter-Ward Competition 2016 Kohima kübok Local Ground nung agitsü ayongogo.
Taruba February ita 1-6 nü tashi asayatsü ayongba tetoktepba nung Ward 16 nungi tebur football telok aser Ward 12 nungi tetsür volleyball telok densema, ajak agi telok 28-i shilem agitsü renema lir.
Ano, taruba February ita 3 nikongtsütsü 5:00 ako nungi tenzüka Inter-Ward tetsür kenten tetoktepba agitsü ayonga lir.
Iba tetoktepba sentong nung shilem agir ajungai ‘Great is Thy Faithfulness’ ken den pei mulungba ken tanga ka tena tokteptsü.
Taruba February ita 4 & 5 nikongtsütsü 5:00 ako nungi tenzüka kenten telok tetoktepba alitsü.
Iba tetoktepba nung shilem agir telok shiai Smokie teloki atenba ‘Mexican Girl’ den pei mulungba tanga ken 2 tena shilem agitsü.