Kohima nung AEROs, Party tem aser osangbenertem den senden amentsü

Kohima, Rongjui/September 09 (TYO): Election Commission of India (ECI)-i Special Summary Revision of photo electoral rolls atema qualifying date ji w.r.t 01.01.2019 asütsü, ta sangdongogo, ta ketdangsertem osang ka ajanga metetdaktsü.
Iba dak sendakba nung Rongjui/September 11, 2018 anüngdang 11:00 ako nung Kohima Deputy Commissioner indang Conference hall nung AEROs, yimtenren party tem aser osangbenertem den senden ka ayonga amentsü.
Kohima DC’s Conference Hall nung iba senden tembangli AEROs Training/briefing Rongjui/September 11, 2018 nü alitsü.
Iba dak sendakba nung Kohima Additional Deputy Commissioner aser Electoral Registration Officer, Kohima, Lithrongla Tongpi Rutsa-i züngsem ajak dang iba senden nung medema adentsü metetdaktsüogo.
Iba dak alia AEROs dang peipei jurisdiction nung BLOs training atema achayangtsü metetdaktsüogo.