Kohima nung anentsüh agi ki 118 raksa

Kohima, Luroi/August 02 (TYO): Tesüiba hopta ishika tzünglu tanen makai aruba ajanga state yimtiba, Kohima nung tesem aika nung anentsüh aluogo aser Kohima district kübok tesem aika nunga ali anenzüka ogo, ta tanü ketdangsertem osang ka ajanga metetdaktsü.
District Disaster Management Authority (DDMA) Kohima osang ajanga ashiba agi, Chiteni/July 8, 2018 nungi tanü, Luroi/August 2, 2018 tashi nung ki 118 tashi raksaogo, kibong 167 kongshiogo aser gari lenmang aika raksaogo.
Kohima DDMA den tim departments-i tanü tashi item tesem semdanga teraksatsüba asadangdar aser timtem ajangshiba kibongtem nem senotsü dena teyari balala agüja arudar.
Tim departments-isa parnok meyong machineries, nübo aser osettsüset balala amshia gari lenmangtem yanglushidar.
Alima tzü-mopung dak sendakba lendong balala osang – 1070 aser 0370-2291120/2291122 (State Emergency Operation Centre) ajanga tongtepratepa metetdaktsütsü akok, ta ketdangsertemisa metetdaktsüogo.