Kohima nung Army recruitment rally kaogo

Dimapur, April 19 (TYO): April 19, 2017 nü local Ground, Kohima nung Army aser Para-military force Pre-recruitment Guidance Rally kaogo.
Army mapai aitsü jangrar candidate tem ajungshia, Assistant Commandant, 78 Bn. CRPF, Zubza, R. Saravana-i candidate ajak dang pei temang aser tanela naprong anema alitsü ajungshiba den külemi ozüng alema inyakba records malitsü metetdaktsü.
Paisa, general knowledge aliba den külemi candidate kati meta talang asemtettsüsa tashi itta alitsüla, ta ashi.
Paisa candidate tem dang tashi aittsü atema ‘lemonade’ tzü mesüra tzü ajemtsüla aser teni agi masü saka tebang agi tangu sashitsüla, ta ashi.
Pre-recruitment Guidance Rally nung ya candidate 25 dena liasü.
Paisa candidates dang kulikaket taila bener marutsüla, ta metetdaktsü.
Shilem agirtem dang metetpelatsü atema DC office Kohima den tongtepratepang ta metetdaktsüogo.