Kohima nung Army Recruitment Rally tenzükogo

Indira Gandhi Stadium, Kohima nung Army Recruitment Rally agiba noksa nung angur.

Dimapur, November 4 (TYO) : Bodbar nungi Kohima nung Nagaland asoshi Army Recruitment Rally tenzükogo.
Iba sentong ya Army Recruitment office, Rangapahar ajanga ayongzüka agir aser anogo lemsar Nagaland kübok district balala nungi candidate tem asoshi rally agir aser tanü Phek, Peren o Kiphire atema agiogo.
Tanü General Duty, Soldier Tradesmen categories nung candidate ajak agi parnok 438liasü aser parnok rongnung candidate 170-i asemtepba nung takok angu.
November 5 nü Zunheboto aser Kohima, November 6 nü Longleng, Mokokchung aser Mon aser November 7 nü Tuensang aser Dimapur candidate atema rally agitsü.
November 8 nü district ajak nungi candidate tem Sol Tech & Sol Clerk categories atema shilem agitsü aser November 29, 2015 nü ARO Rangapahar nung Common Entrance Examination (CEE) iba sentong tembangtsü.