Kohima nung Assam Rifles Ex-Servicemen rally agi

Dimapur, September 4 (TYO) : September 1, 2016 nü IGAR (North)-i Kohima nung Ex-Servicemen Rally ka ayongzüka agi aser iba mapang Phek, Wokha, Kiphire aser Kohima district pezü nung aliba Assam Rifles Ex-Servicemen yariogo.
Iba sentong nung Pension Cell, Record Branch, Pay & Allowance Office, Assam Rifles Ex-Servicemen Association (ARESA), State Bank of India aser AXIS Bank nungertemi stall tem lapok aser ano Aadhar, CSD Field Post Office amala atema stall talila kar lapok.
Sentong nungsa Medical & Dental Camp agia liasü aser iba nung Ortho Specialist, Surgical Specialist, Dentist aser Lady Doctor (Gynecologist) nungertemi yaritep aser shiranger nem mozü angati agütsü.
Iba sentong nung tongti tesemdangerji Brigadier Rajiv Nanda, Deputy Inspector General Assam Rifles (North) liasü aser Brigadier MS Bains, SC, YSM, SM, Commander 5 Sector Assam Rifles den tanga Assam Rifles ketdangsertem aika aden.