Kohima nung auer 2 apu; Gari ka sota lir

Dimapur, June 18 (TYO) : Daklane Youth Social Organization (D.Y.S.O)-i North P.S Kohima nung parnok kiyong nung auer ana anema FIR ka benok.
Iba dak sendakba nung Kohima police-i nisung ana apu aser tenaji Suthotsu yimer Vekuto Rhakho’er jabaso Vepa Rhakho aser Suthotsu yimer Lhuvenu Vero’er jabaso Rukuto Vero na ta jangjaogo, ta Sub-Divisional Police Officer (South) & PRO Kohima-i sangdong ka nung metetdaktsü.
Ano, Phesama check gate Kohima police-i garitem mita reprangdang Tata Sumo Victa gari ka apu.
Tata Sumo Victa (No. NL-04C-2622) gari indang engine number ji Smart Card (R.C Book) nung enoka aliba den meputep liasü aser iba jagi police-i gariji sot. Iba dak sendakba nung gari kibur apu aser paji Phesami yimer Toihe Chishi’er jabaso Nikato Chishi ta jangjaogo, ta Kohima Police sangdong nungsa shia lir.
Iba dak sendakba nung Kohima South PS nung ken o ka benokogo aser maneni bushisüngdang südar.