Kohima nung auer ka apu

Dimapur, March 23 (TYO) : March 21, 2016 nü High School Junction, Kohima nung aliba Naga Hotel kati mejangjatetba nisung pungu arur parnok telungpur telok ka nung züngsemtem ta shir tashiyim agi L.P.G cylinder 3 bener ao ta March 23, 2016 nü kiburi North Police Station Kohima nung FIR ka benok.

Iba onük nung ajemdaker Kohima Police-i bushisüngdanga aodang L.P.G cylinder bener aoer nisung asem rongnung ka apu.

Iba nisungji Golaghat, Assam nungi asür Sondi Boro’er jabaso Dipen ta jangjaogo aser pa ya tang Nagabazar, Kohima nung telidak lir, ta Sub-Divisional Police Officer & PRO Kohima-i sangdong ka nung metetdaktsü.

Iba dak sendakba nung Kohima North P.S nung ken o ka benokogo aser tai tonglokja alirtem aputsü atema bushisüngdang südar, ta Kohima Police sangdong nungsa metetdaktsü.