Kohima nung bendanga agüja inyaker tesayur 12 tushi

Kohima, August 23 (TYO): Kohima district nung shisaliok tsütsü mapa tajung inyakba ajiteta tesayur 12 nem Kohima district teachers’ award agütsüogo.
Iba sentong nung o jembidang Kohima Deputy Commissioner Gregory Thejawelie Sote-i sempet angur ajak nem tenüngsang agütsü aser ano temaba jenjang nung sempet tuluba angutsü atema merangtsü ayongzük.
“Nenok ajak role model kaka kümogo aser nenoki tangar ajungmesor. Nenoki mapa tajung maneni inyaktsü imlar aser tesayurtem ama kanga dang bendanga agüja aser nendaka inyakba atema tenüngsang agütsür” ta Kohima DC-isa ashi.
Education renloktsü atema programmes aser policies aika tenzüka lir saka tesayurtemi bendanga magütsü tashi aser meranga meinyak tashi, itemji amajok dang asütsü. Anungji, kaketshirtem ajungtsü aser education system tajungba kümdaktsü atema yangluba policies aser programmes takok ngua inyaktsü atema tesayurtem saksalemtsüla, ta Sote-i ayongzük.
Sentong nung Director of School Education, Wonthongo Tsopoe-ia o jembidang “tanü sempet anguba tesayurtemi shilem tulu agitsü lir” ta ashi.
“Asenoki tarutsü putu anitsüpurtem aniteter ta mamatsüla. Tesayurtemi kaket shisatsü dang masü saka kechisarena ajaklen tanur renlokdaktsütsü merangtsüla” ta paisa ashi.
Tesayurtemi pei nija khuret masü saka pei mapa nung ang temulung agütsür inyaktsüla. Temelenshi bener arutsü atema inyaktsüla, ta Tsopoe-isa shisem.
Paisa tesayurtem dang pei tajungtiba agüja Naga loktiliba nung temelenshi bener arurtem asütsü aser tarutsü putu tajung yangertsü atema tayongzükba agütsü.
Sentong nung mendenji District Education Officer Kohima Y. Mary Zhimomi liasü aser Sr. SDEO, Kohima Dojü Khate-i anküp tepela o jembi.

Kohima District Teachers Awardees:
* Vituohulie Yhome, L/T, P.U. Diploma in Tenyidie Ruzhùkhrie GHSS Kohima
* Kikrukhrieto Nakhro, L/T, P.U. Diploma in Tenyidie John GHSS Viswema
* Tosovi Philip Khale, G/T, M.Sc, B.Ed. GHS PWD, Kohima
* Neikuosielie, P.E.T., B.A.,B.P.Ed, GHS Mezoma
* Kikrukhrie-ù Yhome, P/T, P.U.,ISTE GPS High School Area, Kohima.
* Ketouvoù Nagi, P/T, P.U., ISTE GPS Upper Jotsoma.
* Kiviholi T. Yeptho, G/T, B.A., B.d, GMS Merhùlietsa, Kohima
* Kathu Rengma, G/T, B.A.,B.Ed, GHS Kandinu.
* Mezhùlhoutuo-ù Solo, Assistant Teacher, B.A. Khedi Baptist Hr. Sec. School Kohima
* Vinod K.P, Assistant Teacher, M.Com., B.Ed., LLB. St. Mary’s Cathedral Higher Secondary School Kohima.
* Temsurenla Longkumer, Assistant Teacher, M.A., B.Ed. Chandmari Hr. Sec. School, Kohima.
* Indra Bahadur Khabas, Assistant Headmaster, B.Sc. Modern Academy, Kohima.