Kohima nung Blyth Tragopan Building semzükogo

Dimapur, April 29 (TYO) : April 29, 2016 nü Breeding Centre Kohima nung Principal Chief Conservator of Forest & Head Forest Force, M. Lokeshwara Rao, IFS-i Blyth Tragopan Building semzüktsüogo.
Kohima district kübok Dzukou valley, Fakim Wildlife Sanctuary aser Nagaland kübok tanga tenemtsüng district tem nung anguba Tragopan ozü ya India nung tobur tajung ozütem rongnung ka lir, ta tanü tongti tesemdanger o jembidang Lokeshwara Rao-i metetdaktsü.
Paisa Breeding Centre nung Tragopan tebong 6 aser tetsü 7 lir, ta shisem.
Iba sentong nung mendenji Chief Wild Life Ward, Satya Prakash Tripati liasü,. BTCBC aser PWS staff-i ken k aten aser O/C, BTCBC Keneikrül-i anküp tepela o jembi.