Kohima nung Capt. Kenguruse Memorial Football Tourney ayonger

Dimapur, October 30 (TYO): Headquarter 3 Corps kübok densemba The Inspector General Assam Rifles (North) [IGAR(N)]-i taruba November ita 23 nü nungi tenzüka Captain Kenguruse Memorial Football Tourney Kohima nung asayatsü ayongogo.
Pei tasoli atema pei taküm bendanga agütsür, Mahavir Chakra agizüker, Captain Kenguruse tenüng mesamadaktsütsü aser lanurtem ajungmesotsü nüngtem nung IGAR (N)-i iba asayamong ya taküm 2015 küm nungi tenzüka kümshi asayatsü ayongba osang jangjaogo.
Nagaland ajunga nungi shilem agidaktsütsü nükjidong nung district shia nungi telok ananai iba asayamong nung shilem agidaktsütsü renema lir.
Nagaland Football Association (NFA) den tangatettep nung IGAR (N)-i anogo 7 agia asayatsü ayongba asayamong ya ketdang asütsü renemogo.
Iba asayamong nung temaba jenjang anguba telok nem takok marok agütsütsü renemba den külemi, takok angurtem nem senpet sena sen lakh 5 tashi agütsütsü renema lir.