Kohima nung CFSI-i Children Film Bonanza ayongzüker

Kohima, Mongputeni/October 05 (TYO): “Promoting Every Child’s right to Entertainment” omen nung ajemdaker Children’s Film Society, India (CFSI)-i Mongputeni/October 9 nungi 13 tashi RCEMPA Auditorium, Kohima nung “Children Film Bonanza” ayongzükogo.
Iba benjungmong ya Department balala- Social Welfare and Art & Culture, Youth Resources & Sports, School Education aser Information & Public Relations-i yaritepa ayongzüker. Iba sentong nung adentsüpurtemji sorkar aser nija school tem naprongla nungi Class V nungi Class XII kaketshirtem asütsü.
India nunger nüchiso anguba sülen tanur kanga keta meimsang, Pandit Jawaharlal Nehru-i Children’s Film Society, India (CFSI) ya tenteta liasü.
Tanurtem atema indigenous film aser temeja cinema ajanga tanurtem sempet arangshitsü, temeim alitsü aser alia oa shisadangtsü atema ajungmesotsü, ta teimla yur pai CFSI ya tenteta liasü.
CFSI ya Ministry of Information & Broadcasting, Government of India kübok autonomous body ka lir, aser parnoki tanurtem jangratemdaktsüba dang masü saka alima indang shisadangtsü atema tanurtem ajungmesotsü asoshi tanurtem indang film produce süa alemer.
Tanur aika ayimjemtsü nükjidong nung CFSI-i India tesem ajaklen, talisa North East state tem nung item film benjungmong ayonga akar.

You must be logged in to post a comment Login