Kohima nung Constitution Day amongtsü

Kohima, Yimpoksüi/November 23 (TYO): November 26, 2018 anepdang Raj Bhavan, Kohima nung Constitution Day anogomong sentong 10:00 ako nungi tenzüktsü liasü, ajisüaka ghonda ka mapang atsüzüker anepdang 9:00 ako nungi iba sentong tenzüktsü, anungji AHoDs, HoDs den tejaokertem ajak dang mapang shidak nung arua anepdang 8:50 ako nungbo sentong agitsü tesem nung mener alitsü mepishia metetdaktsür, ta tanü ketdangsertem osang ka ajanga metetdaktsü.