Kohima nung CoopSoft sayaogo

Dimapur, December 13 (TYO): December 13, 2017 Secretary Cooperation, Lithrongla G Chishi, IAS-i “CoopSoft” ta ser cooperative information management application saytsüogo.
Registrar of Cooperative Societies, Kohima indang office nung tanü lai cooperation department ketdangsertem aser staff tem lia iba app sayatsü.
Lithrongla-i department ajanga software yanglutetba atema tenüngsang agütsüba den maneni tesüiba küm ka tsüngda mapa tajung inyaka arubatem inyaka aotsü imlar ta metetdaktsü.
Tang sayaba CoopSoft ajanga department tejakleni aotsü aser tanga department temia iba mesükba IT applications amshitsüla ta laisa shisem.
CoopSoft ya Teth Allied Services, Nagaland ajanga yanglutetba lir aser iba nung cooperative societies indang temetettsü, Loan, Recovery & Audit of Cooperatives indang osang, cooperative societies indang outstanding loans, production details aser SMS Gateway, Quick access to employee details amalatem keta lir.
Sentong nung mendenji Registrar of Cooperative Societies, Nagaland Wepe Ritse liasü.