Kohima nung Dec 14 atema traffic tetuyuba agütsür

Dimapur, December 11 (TYO) : December 14, 2015 nungi 12 buba Nagaland Legislative Assembly senden alitsü aliba dak ajemdaker Kohima Police-i traffic tetuyuba kar agütsü.

1. Assembly Secretariat-i car pass aketba garitem dang aitdaktsütsü.
2. December 14 anedpang 6:00 ako nungi agüja aliba lenmang tezülen garitem anentsü memelatsü.

(a). BSNL Telephone Exchange nungi Assembly Secretariat tashi.

(b). Razhü Point nungi Phoolbari via ‘D’ Block tashi.

3. High School lenjem nungi Sanuoru subway adena Assembly Secretariat tashi gari tilatem dang senzütsü melatsü.
4. December 14 anepdang 7:00 ako nungi nikongtsütsü 5:00 ako tashi Kohima nung gari tulutem mesenzüdaktsütsü.

Item tetuyuba sülen public-i anidaktsü imlar aser aibelenba garitem police-i sota ayutsü/atsür aotsü, ta Sr. Superintendent of Police, Kohima, Joseph Hesso, NPS-i sangdong ka nung metetdaktsü.