Kohima nung Deccan Kitchen Johny Ruangmei-i lapoktsüogo

Dimapur, Rongchii/April 23 (TYO): Deccan Kitchen Kohima College anasa April 23 nü lapoktsüogo. OSD NSDMA (Home Department) Johny Ruangmei-i iba kitchen ya lapokja liasü. Deccan Kitchen kibur Alokei James-i ashiba agi, iba restaurant nung Hyderabad special biryani angutsü koba tanga restaurant tem nung mangutsü aser iba chiyongtsü ya south style nung agütsütsü. Kasa mapang nung pai yangluba flavoured mocktails tem angutsü, ta ashi.
James-isa, pai local entrepreneurship tem nungita yariner aser mapa mongui aliba lanurtem anioka inyakdaktsütsü ta ashi.
Pai ashiba agi, restaurant ka lapoktsü atema pai mapang talangka nungi bilema liasü aser iba restaurant ajanga tanga sobali chiyongtsü techinütsütem agütsütettsü imlaba lemsatep. Paisa, iba restaurant ya Hyderabad Special Biryani agütsüba restaurant mezüngbuba asatsü, ta ashi.
Deccan Kitchen anepdang 9:00 ako nungi aonung 8:ako tashi lapoktsü aser weekend nungbo nikongdang 1:00 ako nungi 8:00 ako tashi lapoktsü. Park Hotel nung küm trrok tashi inyakba sülen James ya Made over Beet Belgium Beer House den sendaktepa lir. Pai Eastern Zone tenüng nung 2009 küm National Bartender Competition kokogo.