Kohima nung Dr. Shürhozelie-i Vishal Mega Mart lapoktsü

Honibarnü Kohima nung Naga People’s Front President & DAN Chairman, Dr. Shürhozelie Liezietsu-i Vishal Mega mart lapoktsüba sülen agiba noksa ka angur.

Kohima, September 2 (TYO) : India nung tejentiba aser temulung lemtetba retail stores Vishal Mega Mart, Kohima nunga lapokogo.
Tanü High School lenjem nung Naga People’s Front President & DAN Chairman, Dr. Shürhozelie Liezietsu-i iba Mart lapoktsü.
Iba Mart nung mapa inyaker aiür asangur 60-i sen aazükba dang masü saka shishilembatsü angazüktsü aser parnoki tarutsü nung shishilembaba wadang nung ajemoktsü merangtsü imlar, ta Dr. Shürhozelie-i ashi.
Iba sentong nung Class-I contractors K C Angami aser Vilelie Khamo den Vishal Mega Mart manager tem aden.
Vishal Mega Mart ya Deobar dak alaka, anogoshia anepdang 8:00 ako nungi nikongtsütsü 6:30 ako tashi lapoktsü.