Kohima nung DSDM tenzükogo

Kohima, Metsüremi 20 (TYO): Metsüremi (March) 13, 2018 nü ARTC Plus Kohima nung Joint Director (CST), NSACS, Dr. Keneinguzo Dzüvichu-i Differentiated Service Delivery Models (DSDM) kübok Multi-Month Dispensation (MMD) aser Co-located ART-OST Centre (CAOC) tenzüktsüogo.
Iba sentong nung jembidang pai, iba model ana tenzükba nükjidong ya ART centre jenjang tajungba kümja clients nem ita asem ART agutsütsü, PLHIV aser nüburtem ART agi tajungba ayimjemtsü aser ainlen senzüsempongba nung senotsü aser mapang kümzüka service tajung angutsü atema lir, ta metetdaktsü.
Paisa, DSDM takok angutsü atema PLHIV aser ART Centre staff ajaki amalitepa aser akhümtsübutepa inyaktsüla, ta ayongzük.
MMD ji ARTC Plus Kohima aser ARTC Plus Dimapur na nung amenoker inyaktsü aser CAOC ji FIDU CAD Foundation, Dimapur nung amenoker inyaka atatsü.
Lokti pelaa agizükba o jembidang State Program Coordinator I-TECH, Bendang Jamir-i, iba model ana atema inyakdang aser tesem semdangba mapang nung yariteper stakeholders ajak dang pelaba metetdaktsü.
Paisa, stakeholders-i maneni amalitepa yaritep nung ang iba models takok ngua inyaktsü, anungji DSDM takok angutsü atema ajaki yaritetepa inyakdaktsüner, ta mepishia metetdaktsü.