Kohima nung EduFest agir

Kohima, April 25 (TYO): Lynchpin-i YouthNet den yaritepa anogo ananü atema Edufest ka The Heritage, Kohima nung tenzükogo.
Edufest ya education fair ka lir aser iba nung kaketshirtemi linük nung aser bendanglen aliba college aser university tajungtem nungi züngsemtem den ajurutepa sensaksemtettsü.
Iba sentong ajanga kaketshirtemi tangalen aliba rejutem nung course balala indang osang tejangja metettsü maongka agütsür. Tang agiba sentongji class 10, 10+2 aser Bachelors dak tenük yoka agir.
Edufest nung India kübok tesem balala nungi shisaliok reju 18 nungi teshimtet nübotem arua shilem agir. Iba sentong nung kaketshirtem aser tsüraburtemi institutes aser universities dang fees & scholarships, courses & mark requirements, placements & Career opportunities amala asüngdangtettsü.
Edufest nung angati shilem agitsü akok aser asüng anüngdang tashi free career guide alitsü.
Tanü Edufest lapoktsüdang Kohima Deputy Commissioner, Rajesh Soundararajan-i, “meranga inyakbaji yimya tajung ka lir. School azüngba mapang nisung ka taküm nung terata agi sünga alir, ajisüaka kaketshirtemi sentong atongtsüla aser itemji mapa küma inyaktsü asoshi merangtsüla” ta ayongzük.