Kohima nung Fishery indang skill upgradation training agi

August 23, 2017 nü Hotel Japfu Kohima nung Agriculture Production Commissioner, T. Imkonglemba Ao, IAS-i Skills upgradation Training nung jembiba noksa nung angur. 

Kohima, August 23 (TYO): Bodhbarnü Hotel Japfu Kohima nung Rashtriya Krishi Yojana (2016-17) kübok “Recent Advances in Development of Aqua culture and Fisheries” indang Skill upgradation Training agiogo; iba sentong nung tongti tejaokerji Agriculture Production Commissioner, T. Imkonglemba Ao, IAS liasü.
Sentong nung jembidang pai, skill development ji asen sasa tanaben asadangba ka südaktsütsüla, ta ashi.
Pai ashiba agi, all India level nung ajemdaker Nagaland nung nisung shia atema ango gram 2,800 nüngdaker, aser iba atemaji ango 26 Metric tons metsütettsüla.
Paisa, küm shia kibong shia tajemba agi seret 100 mesütettsüla, ta shisem.
Pai Department of Fishery dang Fishery programmes balala ajanga Agriculture target 2022 tongtettsü asoshi aluyimertem nem shisa agütsütsü aser tashi agütsütsü ayongzüka liasü.
Okila jembidang Director Fishery, Kevisa Kense-i, Blue Revolution kübok department-i maparen balala inyakba metetdaktsü.
Paisa, India sorkari 2016-17 küm atema sen lakh 820 lemzüktsüogo aser ibaji ajanga department-i mapa balala inyaktetba metetdaktsü.
Paisa, 2016-17 küm atema sorkari Rastriya Krishi Yojana scheme aser NABARD mapa küma inyaker, ta metetdaktsüba den külemi shilem agirtem danga department-i alizüng ayuba tongtettsü atema aluyimertem den yaritepa inyakdaktsüner, ta mepishi.
Kasa sentong nung Professor & HOD College of Fisheries, Central Agriculture University, Tripura, Dr. R.K Majumdar aser Secretary, Fisheries Department, T. Mhabemo Yanthan, NCS natia jembi.
Iba sentong ya Additional Director of Fisheries, C. Imtitongzuk Longkumer menden ser agi aser paisa lokti pelaa agizük.
Sentong nungsa Dpt. Of Aquatic Health & Environment Assistant Professor, Dr. Himadri Saha-i Dimapur nungi Kevilezo Kense nem best Fish farmer 2017 award agüja liasü.