Kohima nung Football referee clinic tenzükogo

Kohima, Rongchii 7 (Agencies): Kohima Town Club (KTC) puri ayongzüka anogo pongu football referees clinic ka tanü Kohima Local Ground nung tenzükogo.
Iba clinic nung state nung tesem balala nungi tetsür referee pongu densema parnok 23-i shilem agidar. Iba sentong ya All India Football Federation Referee Instructor, Joy Chandra Singh lenisüba kübok kadar aser pa den külemi Referee Instructor All Manipur Football Association, Tarun Kumar-ia shilem agidar.
Iba clinic tenzükba sentong nung KTC puri state nung aliba referee tem arangtetshitsü atema iba clinic ya ayongzüka akaba atema Nagaland Football Association, general secretary K Neibu Sekhose-i parnok tenüng asang.
Paisa ashiba agi, referee tem physically aser mentally dang renema alitsüba masü saka educational qualification shidak alitsü nüngdaker, kechiyong referee training nung practical aser theory densema lir.
“Referee tajung kati football tebor ajung ya ajungkettsü nüngdaker, koba Nagaland nung ajaki kanga sapur,” ta Neibu-i ashi.
Paisa maneni iba sentong nung adener referee temi AIFF certified instructor tem nungi maongka agia referee ka shilem jangja jangja angazüktsü asoshi ajungshiba den KTC puri tarutsü nunga iba amala sentong ayongzüka akatsü imlaba lemsatep.
KTC tir Viketuolie Pienyu-i lokti pelaa agizükba o jembidang ashiba agi,, KTC puri Kohima Football League mezüngbuba nung referee temi shilem junga magitetba ngua referee clinic akatsü nüngdaker ta angatet.
Paisa, iba clinic akaba nükjidong ya referee tasentem anitettsüba aser tejentem tanü asüng temzüng tem tali junga angazüka arangtetshitsüba atema lir.
Iba sentong ya KTC Tournament Secretary Vikholie Yiese lenisüba kübok aka aser KFL committee joint secretary Pelebeinuo Khezhie-i temoatsü meshia sarasademer tenzük.