Kohima nung Fountain Club-i Old Age Home semdang

Kohima, June 12 (TYO): Tanü Fountain Club, Kohima-i parnok 11buba foundation day nüngtem nung Meriema nung aliba High Court tasenba kübok aliba Old Age Home, Kohima nung alirtem semdanga liasü.
Club Chairman, Seyievilie Peter Zashümo lenisüba nung Club züngsemtemi iba Home nung alir teintet rogo 19 dang nungi sarasadem temoatsüa agia liasü.
Iba Home ya Managing Director Neithonuo T. Liegise-i ketdangser aser tanü Club züngsemtemi senotsü teyari agüja liasü.
Taoba mapang Club Chairman, Neizokhotuo Belho-i iba Home nung aliurtem dang parnok club-i inyakba aser nükjidong indang tatsü agi metetdaktsü.
Ano külen osangbenertem senden ka nung jembidang Fountain Club advisor, Seyievizo Tsukru-i, taküm October ita mezüng hopta nung 5buba Nagaland Spelling Bee competition alitsü, ta metetdaktsü.
Kümshia iba club-i Spelling Bee Competition ayongzüka akar aser iba sentong akatsü atema State Council for Educational Reseacrh & Training-i nungita yarir.