Kohima nung ganja aika apu

Dimapur, April 16 (TYO) : April 16, 2016 nü Kohima Police-i Khuzama inter-state check gate nung Maruti Zen gari ka nung ganja seret 100 bena aliba apu.
Maruti Zen gari (NL-01C-0574) nung apuba ganjaji national market nung sen lakh 5 shi alang liasü, ta Sub-Divisional Police Officer & PRO, Kohima-i sangdong ka nung metetdaktsü.
Iba dak sendakba nung Senapati, Manipur nungi Darhü Poumai’er jabaso Loli Poumai apu aser Khuzama P.S nung ken o ka benokogo, ta sangdong nungsa shia lir.
Kasa anogo nungsa, Maruti Gypsy King gari ka nung ganja seret 200 bena aliba putet.
Police- gari (NL-01C-5621) mita reprangdang taseptsü 22 nung ganja bena liasü aser iba indang jenjangji sen lakh 11 shi liasü, ta
Iba dak sendakba nung Senapati, Manipur nungi Thaokho’er jabaso Th. Shile apu aser Khuzama P.S nung ken o ka benokogo, ta Kohima Police sangdong nung metetdaktsü.