Kohima nung ganja seret 200 apu

Dimapur, October 5 (TYO) : October 4, 2016 nü Kohima Police-i Keyakie police check gate nung garitem mita reprangdang Tata Mobile gari ka nung ganja bena aliba apu.
Tata Mobile gari (NL07A-5455) nungji ganja seret 200 bena liasü aser national market nung ganja indang jenjangji sen lakh 10 shi indang liasü, ta Sub-Divisional Police Officer (South) & PRO Kohima-i sangdong ka nung metetdaktsü.
Gari nung ganjaji tapsetsü 20 nung enoker liasü aser gobi bosta nung miimbanga bena liasü. Iba dak sendakba nung nisung ana apu aser tenaji Ngobe Zholia’er jabaso Suosu Zholia aser Mosnyi Rume’er jabaso Dezü Rume na ta jangjaogo. Tenaprongla Phek kübok Zelome yim nungi lir, ta sangdong nungsa shia lir.
Tena anema North P.S nung ken o ka benokogo aser maneni bushisüngdang südar, ta sangdong nungsa shisem.