Kohima nung ganja seret 200 shi apu

Dimapur, October 6 (TYO) : October 6, 2015 anepdang 8:45 ako meta Chakhabama tesem nung ozüngi memelaba mozü shibelenba osang tejangja ka angazük aser DEF Kohima nungi District Intelligence Branch pur tesem jagi ao, ta Sub-Divisional Police Officer & PRO Kohima-i sangdong ka nung metetdaktsü.
Chakhabama tesem tonga orr garitem mita reprangdang Chakhabama tsütsü nungi Tata Xenon gari ka aruya aliba anendaktsü. Ajisüaka gari anisang jagi gari toktsür Zero point leni jena ao, ta sangdong nungsa shia lir.
Driver jena aoabji ngua DIB police anati pa arshiyonga ao aser pa anendaktsütsü atema anüng nung injang-a ka kahdok saka arem aliba agi pa jena otet.
Police-i Tata Xenon gari (B/R No.NL-06A-4043, Chassis no. MAT524001DRK08133, Engine no. KWY650377) reprangdang ganja seret 200 shi taseptsü 22 nung kanga junga sepbanger miima bena aliba ngutet. Iba dak sendakba nung Kohima North P.S nung ken o ka benokogo, ta Sub-Divisional Police Officer & PRO Kohima sangdong nungsa shia lir.