Kohima nung ganja seret 210 apu

Dimapur, February 24 (TYO) : February 23, 2016 nü Manipur nungi Kohima-i ozüng alema langka kar shibelener ta osang tejangja kar angazükba sülen DEF Kohima nungi District Intelligence Branch pur Kidima lenjem nung ataa liasü, ta Sub-Divisional Police Officer & PRO Kohima-i sangdong ka nung metetdaktsü.
Iba mapang Manipur nungi Mahindra Bolero gari ka aru aser DIB police temi gariji anenang ta ashidang jena ao. Iba jagi police temi gari arrshitsü tenzük aser .38 service pistol nungi injang anaben kahtokba sülen ang gariji anen.
Mahindra Bolero (NL-03-2584) gariji Kidima aser Viswema nung apu aser iba mapang 9 Assam Rifles sepaitemi lenmang nung garitem mita reprangya liasü.
Gari den külemi driver ji Khuzama P.S-i anir orr mita reprangdang gari nung ganja seret 210 kanga junga sepbanger bena liasü. Gari anisangji Tadubi, Manipur nungi asür Athili’er jabaso Nipuni Athili ta jangjogo.
Iba dak sendakba nung Khuzama P.S nung ken o ka benokogo,

You must be logged in to post a comment Login