Kohima nung Ganja seret 250 apu

Kohima, November 26 (TYO): November 25, 2015 anepdang 4:30 ako meta Phesama check gate miter Kohima police temi truck ka registration number AS-01P-9997 soter mita reprangba mapang ganja seret 250 puogo, ta Sub – Divisional Police Officer & PRO Kohima, Nagaland, Atu Zumvü NPS-i tanü sangdong ka ajanga metetdaktsü.
Ganja abenba aser shibelenba atema nisung ana- Assam, Hojai yim nungi Abdul Hasim’er jabaso arishi küm 21 Hasun Rashit aser Assam, Durhgaon yim nungi Mumtaz Ali’er jabaso Avtar Ali (21) na puogo.
Iba dak sentakba nung tena anema Kohima South Police Station nung ken o ka benokogo aser bushisüngdang maneni agidar, ta kasa sangdong ajangasa shisem.