Kohima nung ganja seret aika apu

Dimapur, Nov. 19 (TYO): November 19, 2015 anepdang Khuzama inter-state check gate anüker Kohima police-i gari mita reprangba mapang Tata mobile B/R No. AS-01EC-8911, Chassis No. MAT374466D9E14004, Engine No. 497SP38EWY629317 nungi taseptsü 10 nung ganja seret 100 shi puogo. Iba gari nungji “ARMY DUTY” ta zülur liasü iba den külemi gari nungjisa registration plate WB-57B-1782-a angu, ta Sub – Divisional Police Officer & PRO Kohima, Nagaland, Atu Zumfü NPS-i sangdong ka ajanga ashi.

Iba dak sentakba nung nisung asem- Guwahati, Jalukbari kübok Maligaon nungi arishi küm 23 Monuwar Hussain, West Bengal, Mushibad distict kübok Naladahari nungi arishi küm 23 Atikur Samad aser Kamrup kübok Boka Bazar nungi arishi küm 29 Md. Rafique Hussain nunger puogo.

Iba dak sentakba nung parnok anema ken o ka benokogo aser maneni bushisüngdangdar, ta kasa sangdong ajanga ashi.