Kohima nung gari ka sota lir; Nisung ka apu

Dimapur, November 18 (TYO) : November 17, 2015 nü Kohima police-i Khuzama inter-state check gate nung garitem mita reprangdang Bolero Camper ka apu.

Iba gari nung B/R No. AS-12H-5618 ta Assam registration number enoka liasü saka iba number ji Motorcycle ka nem lemzüktsüba liasü, ta Sub-Divisional Police Officer & PRO Kohima-i sangdong ka nung metetdaktsü.

Kohima Police-i Transport Vahan Database nung gari indang temettsü reprangdang Splendor motorcycle ka nem iba registration number lemzüktsüba angu. Iba dak sendakba nung Manipur nunger H.W Machihan’er jabaso H.W Achem apu aser ken o ka benokogo, ta sangdong nungsa shia lir.