Kohima nung gari senzüsenpongtsü tetuyuba agütsü

Dimapur, Tsüklai/February 20 (TYO): 1buba Monthly Kohima Night Bazaar amentsü aliba dak sendakba nung gari senzüsenpongtsü tetuyuba agütsüogo. Iba Night Bazaar ya Y’ Junction aser Northern Gate, Khouchiezie (Kohima Local Ground) tsüngda February 22 nungi 27 tashi amentsü.
February 22 nü nungi tenzüka sentong madem tashi nikongtsütsü 3:00 ako nungi ‘Y’ Junction len nungi D.C Office-i aoba lenmang nung gari mesenzüdaktsütsü
Maneni ‘Y’ Junction aser NSF Office na tsüngda 2:30 ako nungi tenzüka sentong maden tashi gari manendaktsütsü.
Item lenmang nung senzüsenpongsertem dang temalne agüja aliba tetuyuba takok nung benoka inyaksangshitsü asoshi Kohima Traffic Police den teka amteper inyaktsü metetdaktsüogo.