Kohima nung ginseng aser opium apu

Dimapur, July 24 (TYO) : July 23, 2015 anepdang 7:00 ako meta Peducha check gate nung Kohima Police-i ginseng seret 30 shi aser Opium gram 900 apu.
Garitem mita reprangdang passenger gari ka nungi item ozüng anema shibelenbatem apu aser iba dak sendakba nung tetsür ka puogo.
Laji Phek kübok Ciepoketa yimer Thepuruso Shijoh kinüngtsü Vireng Shijoh (37 yrs) lir ta jangjaogo, ta Sub-Divisional Police Officer & PRO Kohima-i sangdong ka nung metetdaktsü.
La ya tang Model village, Dimapur nung telidak lir aser Sechü (Zubza) P.S nung la anema ken o ka benokogo, ta police sangdong nungsa shia lir.