Kohima nung Global Leadership Summit alitsü

Kohima, October 10 (TYO): October 13 aser 14 anogotem Union Baptist Church, Kohima nung Global Leadership Summit (GLS) amungtsü.
Iba summit nung alima nung takotet lennirtemi video cast ajanga o jembir aser taküm agi küm pezübuba Kohima nung iba sentong agitsü.
Union Baptist Church nung October 13 & 14, 2017 anepdang 9:00 ako nungi nikongdang 5:00 ako tashi GLS agitsü. Anogoshia shilem pezü lemsar agitsü aser iba nung kentenba, chiyungtsü aser olemtep mapang alitsü.
GLS atema registrations fee ji early bird – Rs. 400 (September 30 tashi), regular – Rs.500 (October 1-12) aser In Conference – Rs.600 alitsü.
GLS Kohima-i taküm sentong nung nisung 300 adentsü imlar aser leadership skills ajungkettsü jangrartem ajak pelashishia jaoker, ta tayongertemi metetdaktsü.
Summit nung o jembirtemji wadang balala nung mongin aser takotet nisungtem lir. Parnokji, Bill Hydels – Founder & Senior Pastor, Willow Creek Community Church; Sheryl Sandberg – Chief Operating Officer Facebook; Bryan Stevenson – Founder & Executive Director, Equal Justice Initiative; Juliet Funt – CEO, Whitespace at Work; Sam Adeyemi – Founder & Senior Pastor, Daystar Christian Centre in Nigeria; Laszlo Bock – Senior Advisor, Google (Best Selling Author); Gary Haugen – Founder & CEO, International Justice Mission; Angela Duckworth – Professor, University of Pennsylvania (Best-Selling Author); Fredrik Haren – Author (Business Creativity Expert) aser Andy Stanley – Leadership Author (Communicator and Pastor) nungertem lir.
GLS ya 1992 küm Willow Creek Community Church, Illinois, USA nung Senior Pastor, Bill Hybels-i tenzükba lir. 1992 küm iba ya sentong tilaka ama dang tenzük saka lialia iba sentong ka tuluka aküm aser tanü linük 105 nungi lennir 2, 50,000 dak tema kongshiogo.