Kohima nung Gospel ken tokteptsü

Kohima, September 29 (TYO) : ‘Music to God’ omen nung ajemdaker September 30 aser October 1 anogotem nung gospel ken toktepba sentong ka Heritage Old DC Bungalow, Kohima nung akatsü. Iba sentong ya Kohima Baptist Youth Fellowship-i ayongba lir, ta sangdong ka ajanga metetdaktsü.

Sangdong nungsa ashiba agi, iba gospel ken toktepba nung Arogo ajak aser Nagaland nung aliba kentener telok ajaki shilem agitettsü. September 30, 2016 nung iba toktepba sentong ya anepdang 9:00 ako nungi tenzüktsü aser  October 1, 2016 nungbo nikongdang 3:00 ako nungi tenzüka akatsü.

Iba sentong atema tongtepratepnertemi phone no 9774414279 aser 9856307607 nung call asünung ajungtsü.