Kohima nung Hindi Fortnight (Pakhwada) Samapan Samaroh agi

Dimapur, September 30 (TYO) : Town Official Language Implementation Committee (TOLIC)-i ayongzükba Hindi Fortnight (Pakhwada) Samapan Samaroh Bodbarnü tembangogo.

Tanü Accountants General Office nung Athikho Chalai, chairman, (TOLIC), Kohima & Accountant General (A&E) lenisüba nung iba sentong agi aser Kohima nung Central Government Offices nungi ketdangsertem aden.

Sentong nung Athikho Chalai, Accountant General (A&E)-i tesentepertem ajak agizük aser S.N.Dubey, Hindi Education Officer, Director of Education, Kohima-i India Home Minister-i yokba osang zünga metetdaktsü.

Kohima nung aliba central government office balalai Hindi Quarterly Progressive Report agütsüba rongnung tajungtiba pezü shimteta sempet agütsü aser sempet angurtemji 15 BRTF, I.G Assam Rifles, (North), Kendriya Vidyalaya aser Directorate of Census Operation nungertem lir.

Iba sentong nungsa Annual Hindi magazine Naganchal saya aser Kendriya Vidyalaya, Kohima aser central government office balala nungi staff temi shilem balala agi aser Secretary TOLIC , Kohima Kahoto J Yepthomi-i anküp tepela o jembi.