Kohima nung IPR ketdangsertem senden ka menogo

Dimapur, April 06 (TYO): April 5, 2017 nü officer’s conference hall, Kohima nung IPR Director, Limawati Ao mendenbuba ser Information & Public Relations Department ketdangsertem senden ka menogo.
Iba senden nung Cable Digitisation dak sentakba nung district officers ajak dang hopta ka tsüngda District Level Cable Digitisation Committee tentettsü atema metetdaktsü.
Department indang publicity campaign dak senakba nung DPRO tem dang iba campaign atema hopta ka tsüngda ‘themes’ agujang ta metetdaktsü.
Senden nungsa kümshia sorkar ‘calendar’ atema noksa agutsüba dak sentakba nung o lemtepa liasü, aser iba mapang nung district officers ajak dang taküm September ita tashi nungbo tapet noksatem tongtsütsüla, ta metetdaktsü.
Taküm department indang training balala indang osanga senden nungsa metetdaktsü.
Senden nungsa tang mezüng Nagaland film festival atema o lemtep. Iba festival ya Dreamz Unlimited-i yarisema IPR Department-i taküm May ita nung ayongzüka akatsü. Iba film festival ya tongtibangsüa local film producers, directors aser parnok mapatem nung rangloker akatsü.
Kasa sentong nung district ketdangsertem nem Public Address Systems, laptops, computers aser computer peripherals-a lemja liasü.