Kohima nung KDLCC-i Tobacco Control senden amen

Kohima, June 29 (TYO): Tobacco Control indang Kohima District Level Coordination Committee mezüngbuba quarter senden June 29, 2017 nü DC’s Conference hall, Kohima nung menogo.
Senden nung Deputy Commissioner aser Kohima District Level Coordination Committee Chairman, Rajesh Soundararajan, IAS-i department balala teyaritep ajanga moko nokdangba maparen kanga takok ngua inyakdar, ta metetdaktsüba den külemi pai district nung ketdangsertem dang district nung moko khenyongi nokdangtsü atema item maparen tajungba inyaktsü ajungshi.
Ano District Nodal officer (DTCC), Dr. Arenla Walling-ia züngsemtem dang school shirnokisa ambassador card nguogo, item school-i district nung awareness programme ayonga akatsü temsüa alir, ta metetdaktsü.
Power point ka ajanga laisa, yimtsüng asem aser shisaliok reju pezü- Gariphema village, Jotsoma aser Khonoma village, Modern Institute Kohima, St. Paul Teaching Institute, Kros College aser Oriental College, Kohima-a tobacco free ta sangdongogo, ta metetdaktsü.
Senden nung züngsemtemi school aliba tesemtem nung moko ayokba khenyongi nokdangtsü, aibelener dokan kiburtem anema inyaktsü atema yimtsüng ketdangsertem nem nungloktsüba aser dokan kiburtem, talisa school anasa aliba dokan kiburtem atema sensitization programme ayonga katsütsü densema onük aika lemtepa liasü.
Züngsemtemisa iba maparen nung ketdangsertem den yaritepa inyaktsü asoshi Colony Action Committee tem tentettsü benoka liasü.
Batch 6buba nung Tobacco free school temji: Govt. Middle School, P.Khel, Kohima Village; Govt. Middle School, D. Khel, Kohima Village; Govt. Middle School, Lower Chandmari, Kohima; Govt. Middle School, Pfuchama; Govt. High School, New Market, Kohima; Govt. Middle School, Aradhura Lerie Chazou; T.M. Govt. Hr. Sec School, Kohima; Baptist School, Khuzama; Azedon School, Kohima; St. Joseph Hr. Sec School, Viswema, Kohima; Holy Cross School, Chedema Village; Baptist Mission School, Jotsoma, Kohima; Cherry Blossom School, Kohima; Trinity School, Kohima; St. Mary Cathedral Hr. Sec. School Kohima; Vikesel’s Vision School, Kohima; St. Peter’s School, Kohima; Merhulietsa High School, Kohima; Silas Memorial School, Kohima aser Grace Hr. Sec. School, Kohima tem lir.
Item school ajak nem certificates agüja liasü.