Kohima nung ki ka rongdok

Kohima, April 5 (TYO) : Hombar aonung Alder College, Kohima temalen aliba Themezie colony nung kitsükkirong lendong ka atalok.
Osang angazükba agi, aonung 10:30 ako meta kirong lendongji taktang ka nung electrical short-circuit ajanga adok aser sen lakh 20 shi jenjang takoksa ajuru.
Mapang shitak nung kiyonger aser mi ensepba gari pungu aruba yaritepa ajanga ghonda ana shi nung miji remsep. Ajisüaka, kijibo mitsü küma rongdok, ta osang ajangasa metetdaktsü.