Kohima nung ‘Know your Rights’ onük nung seminar ka agi

Kohima, Aami 15 (TYO): Nagaland State Commission for Women den National Commission for Women, New Delhi nati senteper tanü Red Cross Building conference hall, Kohima nung “Know your Rights” onük nung seminar ka ayonga agiogo.
Legal Awareness seminar ji Kohima Lotha Eloe Ekhung (KLEE)-i yaritepa ayongzük aser shisalen sayurji Advocate, Ncumbemo Mozhui liasü.
Onük jembidang Mozhui-i tetsürtem temedentemji India temzüng, Domestic Violence Act, 2005,Sexual Harassment of women at workplace (Prevention, Prohibition and Redressal) Act, 2013 and aser code of Criminal Procedure, 1908-Rape nung lir, ta ashi.
Tetsürtemi pei temedentem meteta alitsü nüngdak, aser sabang shidak nung teyari bushitsüla, ta paisa ashi.
Mozhui-isa Marriage, Divorce & inheritance, Domestic violence Act, Crime Against Women (POSCO)Act, Beti Bachao Beti padhao, Women & Child helpline, Human trafficking aser Nagaland Legal Service Authority onüktem nunga kongshia jembi.
NSCW Chairperson, Jakhalu-i okila jembi, Jt.Secy, KLEE, Mhabeni Lotha leniba nung sentong agi. Iba sentong nung Lotha tsür noklang aika dena liasü.