Kohima nung LG showroom lapokogo

Kohima, June 16 (TYO): Tanü Kohima nung LCS Building anasa PWD (National Highway), Mechanical & Elections Minister, Nuklutoshi-i Nagaland nung tang mezüngbuba LG (Life’s Good) showroom lapoktsüogo.
Tanü Kohima nung lapokba LG showroom ya dena North East nung 12buba lapoker asütsü.
Iba sentong nung jembidang Minister-i, iba showroom ajanga quality tajungtiba agütsütettsü imlar, ta metetdaktsü.
Paisa partner asem – David Kire, Rokovizo Mepfu-o aser Basu Damani nungeri Aja Communications banner kübok iba ya tenzükba atema tenüngsang agütsü.
Kasa sentong nung Rokovizo Mepfu-o, Basu Damani aser Dibakar Deb, Branch Manager, LG Electronics India Pvt Ltd. nungeria jembia liasü aser David Kire-i tepela anküp o jembi.
Kohima nung LG Shoppe nung sound system, TV, refrigerator aser sü ashiba koltem densema electronic osettsüset tapu jenti ayoker.
LG Shoppe lapokba sentong nung Minister for Environment, Forest & Climate Change Dr. Neikiesalie (Nicky) Kire aser Parliamentary Secretary for Youth Resources & Sports, Music Task Force & State Lotteries Khriehu Liezietsu aser tongtibang ketdangser aika dena liasü.