Kohima nung menoknok indang sentong ka agi

Dimapur, July 17 (TYO) : July 17, 2015 nü State Academy hall, Kohima nung menoknok indang School tanurtem nem angatetdaktsüba sentong ka agiogo.
Iba sentong ya Nagaland State Disaster Management Authority (NSDMA), Home department den North East Institute of Science and Technology (NEIST) Jorhat nati külemi ayongzük aser tongti tesemdangerji Chief Secretary, Pankaj Kumar IAS liasü.
Kaketshirtem dang menoknok ajanga timtem bener arutsüba indang meteta lidaktsütsü aser iba lendong nungi jenbutsü atema tesayuba agütsütsü nükjidong nung awareness campaign ayongzüka agi.
Sentong mezüngbuba shilem nung Dr. R. Duarah, Chief Scientist, CSIR, NEIST, Jorhat aser taoba Team Coordinator, NDMA, R.S Saxena nati shisalen sayu.
Sentong tanabuba shilem nung, OSD, NSDMA, Johnny Ruangmei-i Disaster Management in Nagaland osang metetdaktsü aser Civil Defence o Home Guards nati demonstration sayu.
Sentong nung mendenji Secretary, NSDMA, T. Ao (IAS) liasü aser school 15 shia nungi kaketshir lir aden.