Kohima nung moko & COTPA 2003 training agi

Bodbarnü ADC Kohima, Lithrongla Tongpi-i Advocacy Training on harmful effects of Tobacco aser COTPA 2003 training nung o jembiba angur.

Dimapur, May 11 (TYO) : May 11, 2016 nü DC Conference Hall Kohima nung Advocacy Training on harmful effects of Tobacco aser COTPA 2003 sentong agi.

Iba sentong nung ADC Kohima, Lithrongla Tongpi-i moko ajanga timtem bener arutsüba indang osang metetdaktsü.

Lithrongla-isa, moko ajanga timtem bener arutsüba aser meimchir ka taküm nung takoksa ajurubatem indang onüktem metetdaktsü aser laisa ozüng ajanga arishi küm 21 teküpok alirtem moko achitsü noktanger ta shisem.

Alima nung oral cancer timba adokba linükji India lir aser India nung moko timba achiba state tanabubaji Nagaland lir.

Sentong nung DNO, DTCC Kohima, Arenla Walling-ia o jembidang, iba sentong ya Dimapur nung 2008 aser Kohima nung 2009 nung tenzük, ta metetdaktsü.

Laisa moko achiba noktangtsü atema inyakba onük 3 ashi aser itemji, Public tesemtem nung moko achiba noktangtsü, Public tesemtem aser school tem nung Advertisement aser Poster ayutsü aser tanur dang moko mayoktsü indang liasü.

Item ozüngtem anema inyakertem tapet temerenshi alitsü, ta Arenla Walling-isa nenshia metetdaktsü.