Kohima nung moko nokdangba tsütsü temetettsü sentong agi

Dimapur, July 30 (TYO): Don Bosco College, Kohima nung July 28, 2016 nü “Make Everyday No Tobacco Day” omen nung ajemdaker moko nokdangba tsütsü temetettsü sentong ka agiogo.
Iba sentong nung District Nodal Officer, District Tobacco Control Cell, Kohima, Dr. Arenla Walling-i kaketshir parnok 240 sentepa aliba telok den “Hazards of Tobacco aser COTPA 2003” onük nungi jembi. Iba sülen kaketshirtemi moko anema nokdaktsü telemtetba agi.
Kasa sentong nung College Principal, John-i tarutem nem tetushi agütsü, Anuka-i sentong tenzüka sarasadem, Chubamenla-i Lai azüng, Serpoi-i tarutem pela agizük, saya ka Akash aser medemertemi ai, Bosco Music Society-i ken ka aden aser tepela o Poji-i jembi.
Ano July 29, 2016 nü District Tobacco Control Cell, Kohima-isa Nurse tem atema ‘sensitization’ sentong ka Naga Hospital Kohima (NHAK) nung ayonga amongba den Oriental College nung azüngertem atema moko ajanga timtem agütsüba meteta alitsü atema sentong ka ayonga agi aser sentong anaprong nung Dr. Arenla Walling shisalen tuyur liasü.