Kohima nung moko raksaa indok

Kohima, January 29 (TYO): January 29, 2019 nü KMC Dumping site, Kohima nung f National Tobacco Control Programme team züngsemtemi apuba moko chiyungtsütem raksaa indokogo, ta aketdangsrtem osang ka ajanga metetdaktsü.
Kohima District Nodal Officer, NTCP, Dr. Arenla Walling-i ashiba agi, Kohima nung shisaliok rejutem anasa aliba dokan 68 nungi moko agi yangluba chiyungtsütem apu, aser senchi achi.
Item mokoji tanü Meriema yim tsütsü aliba KMC dumping site nung rongdokogo; iba mapang nung Kohima District Administration, Angami Mechu Krotho (AMK) aser Police Department nungi züngsemtem liasü.