Kohima nung nisung 2 tsükset; 3 yiru

Kohima, Rongchii (April) 12 (TYO): Yangtepnü (Brihostibar) Indira Gandhi Stadium, Kohima anasa National Highway-2 nung gari ka lenküpoklen tsükokdang nisung ana asü aser tetsür asem kanga mejungi yiru.
Lendongji komaser atalokar osang tejangja mongutet saka Traffic police ajanga ashiba agi, tanü nikongdang 2:20 ako meta tetsür kati aniba Bolero gari lenküpokleni feet 80 shi tsüoka ai.
Parnok ya Tseminyu nung kiyimba sentong ka nung dener meyipa arudang lendongji atalok. Tasürtemji Nyiyalo Kath (45) aser Meto Kath (17) na liasü ta jangjaogo.
Tenaprongji Tseminyu sub-division kübok Tesophenyu yimer liasü ta osang ajangasa ashi.
Iba lendong nung yirua aliba tetsürtemji Rosenle Kath (56), Singale (55) aser Keteni (29) nungertem lir aser parnok ajak Naga Hospital nung anioker ICU nung anepaludar.